မန္တလေးမြို့မှ ဘန်ကောက်နှင့် ဂါယာသို့ အမ်အေအိုင်ဆွဲမည်
အတွဲ ၃၀ ၊ အမှတ် ၅၈၃ ( ၂၄ - ၃၀ ၊ ၈ ၊ ၂၀၁၂)
အပြည်ပြည်ဆိုင်ရာ မြန်မာ့လေကြောင်း (အမ်အေအိုင်)သည် လာမည့် အောက်တိုဘာလမှ စတင်ခါ မန္တလေး အပြည်ပြည်ဆိုင်ရာ လေဆိပ်မှ ထိုင်းနိုင်ငံ ဘန်ကောက်နှင့် အိန္ဒိယနိုင်ငံ ဂါယာမြို့များကို တိုက်ရိုက်ပြေးဆွဲမည် ဟု လေကြောင်းလိုင်းမှ တာဝန်ရှိသူ ဒေါ်အေးမရသာ ကပြောသည်။
"ဘန်ကောက် ခရီးစဉ်ကို မစတင်မီ အရင် လေယာဉ်အစင်းတွေ ထပ်ဖြည့်ဖို့ ရှိပါတယ်။ နောက်မန္တလေးကနေ ဂါယာ ကိုလည်း တိုက်ရိုက် ပြေးဆွဲမှာဖြစ်ပါတယ်"ဟု ၎င်းကပြောသည်။
မန္တလေး-ဘန်ကောက် ခရီးစဉ်အား အပတ်စဉ် တနင်္လာ၊ ဗုဒ္ဓဟူး၊ သောကြာ နေ့များတွင် ပြေးဆွဲရန် စီစဉ်ထားပြီး မန္တလေး-ဂါယာ ခရီးစဉ်ကိုမူ အင်္ဂါ၊ ကြာသပတေးနှင့် တနင်္ဂနွေနေ့တို့တွင် ပြေးဆွဲရန် လတ်တလော စီစဉ်ထား ကြောင်း ၎င်းက ပြောသည်။
"လက်ရှိအမ်အေအိုင်မှာ လေယာဉ် လေးစင်းရှိပါတယ်။ ဒီလမကုန်ခင် လေယာဉ်နှစ်စင်း ထပ်ဖြည့်ဖို့ရှိပါတယ်။ အဲဒီလေယာဉ်တွေ ဖြည့်ပြီးရင်တော့ အောက်တိုဘာလကစပြီး မန္တလေးကနေ ဒီခရီးစဉ်တွေကို ပြေးဆွဲမှာ ဖြစ်ပါတယ်" ဟု ၎င်းကပြောသည်။
ထို့ပြင် အမ်အေအိုင်သည် လာအို၊ ဟောင်ကောင်နှင့် တောင်ကိုးရီးယား နိုင်ငံများသို့လည်း တိုက်ရိုက်ပြေးဆွဲရန် အစီအစဉ်ရှိကြောင်း သိရှိရသည်။ "ဟောင်ကောင်ကိုပြေးဆွဲဖို့ စီစဉ်နေ တာဟုတ်ပါတယ်။ လာမယ့် ဒီဇင်ဘာလလောက်တော့ ဆွဲဖြစ်လောက်ပါ တယ်"ဟု ဒေါ်အေးမရသာက ပြောကြား သည်။