သမ္မတဦးသိန်းစိန်၏ အပြန်ခရီးတွင် ပြည်သူများက ကြိုဆို

ရန်ကုန်အပြည်ပြည်ဆိုင်ရာလေဆိပ်၌ သမ္မတကြီးကို ကြိုဆို နေကြသူများ။
ဓာတ်ပုံ-ရတနာ

အောက်တိုဘာလ ၁ ရက်နေ့က အမေရိကန်ပြည်ထောင်စုမှ ပြန်လာ သည့် သမ္မတဦးသိန်းစိန်ကို နိုင်ငံရေးပါတီများ၊ အသင်းအဖွဲ့များနှင့် ပြည်သူလူထုက ရန်ကုန်လေဆိပ်တွင် ကြိုဆိုခဲ့ကြသည်။

"ကျွန်တော်တို့ သွားကြိုဆိုရတဲ့ ရည်ရွယ်ချက်ကတော့ သမ္မတဦးသိန်းစိန်က ကုလသမဂ္ဂအစည်းအဝေးသွားတက်တယ်။ သွားတက်တော့ မြန်မာနိုင်ငံရဲ့ ပြုပြင်ပြောင်းလဲမှုအကြောင်းတွေ ရှင်းပြတာပေါ့။ သူရှင်းပြတဲ့အကြောင်းတွေကို နိုင်ငံတကာက လက်ခံနိုင်အောင် ရှင်းပြနိုင်တယ်ပေါ့။ နိုင်ငံတကာက လက်ခံလို့ ရှိရင် မြန်မာနိုင်ငံအတွက် ကူညီမှုတွေ ထောက်ပံ့မှုတွေ၊ ရင်းနှီးမြှုပ်နှံမှုတွေ လာ မယ်ပေါ့။ အဲဒါတွေကို သမ္မတက အမေရိကန်ခေါင်းဆောင်တွေ နဲ့လည်း တွေ့တယ်။ တခြားခေါင်းဆောင်တွေနဲ့လည်း တွေ့တယ်။ အဲဒီခေါင်းဆောင်တွေ ယုံကြည်အောင် သမ္မတက ပြောနိုင်တာပေါ့။ နောက်တစ်ခုက စီးပွားရေးသမား တွေနဲ့လည်း တွေ့တယ်။ အဲဒီစီးပွားရေး သမားတွေ မြန်မာနိုင်ငံမှာ လာရင်းနှီး မြှုပ်နှံအောင် လုပ်ပေးနိုင်တာပေါ့။ ဆိုလိုတာကတော့ သူသွားပြီးတော့တွေ့တဲ့အခါ နိုင်ငံတကာက ယုံကြည်အောင် မြန်မာနိုင်ငံရဲ့အကျိုးကျေးဇူးကို အများ ကြီးလုပ်ပေးနိုင်ခဲ့တယ်။ အဲဒါမျိုးလုပ် တာကို လက်ခံတယ်။ ကြိုဆိုတယ်။ ဆက် လုပ်ပါဆိုတာကို အားပေးချင်လို့ ဂုဏ်ပြု ချင်တဲ့သဘောနဲ့ သွားကြိုဆိုခဲ့တာပါ" ဟု ဒီမိုကရက်တစ်ပါတီ(မြန်မာ) ဥက္ကဋ္ဌ ဦးသုဝေက ပြောသည်။

ထို့ပြင် အမျိုးသားဒီမိုကရေစီ အင်အားစုမှပါတီဝင် ၂၀ ကျော်ကလည်း သမ္မတကြီးအား ဂုဏ်ပြုသောအနေဖြင့် သွားရောက်ကြိုဆိုခဲ့ ကြောင်း အမျိုးသား ဒီမိုကရက်တစ်ပါတီ အင်အားစုပါတီ ဗဟိုအလုပ်အမှုဆောင် ဦးကျော်သူရက မြန်မာတိုင်း(မ်)ကို ပြောသည်။

"ပါတီက ညွှန်ကြားတာမဟုတ်ဘဲ ပါတီဝင်တစ်ယောက်ချင်းစီရဲ့ လွတ်လပ် တဲ့ နိုင်ငံသားတစ်ယောက်အနေနဲ့ ထောက်ခံတဲ့အနေနဲ့ သွားကြိုတာပါ။ သမ္မတကဆိုလို့ရှိရင် နိုင်ငံအတွက် ဒီမို ကရေစီပြုပြင်ပြောင်းလဲမှုတွေ စွမ်း ဆောင်ပြီး အများကြီးလုပ်ခဲ့တယ်။ ဒီလို ဂုဏ်ပြုသင့်တဲ့ လူတစ်ယောက်ကို ဂုဏ်ပြု ချင်တာကြောင့် လွတ်လွတ်လပ်လပ် သွားကြိုခဲ့တာပါ"ဟု ၎င်းကပြောသည်။

"ပါတီက ဦးသိန်းစိန်လုပ်တာကို ထောက်ခံတော့ တစ်ဦးချင်းတစ်ယောက် ချင်းသွားရင် သွားနိုင်တယ်ဆိုပြီး ခွင့်ပေး လိုက်တယ်။ ဒါပေမယ့် ပါတီရဲ့ဆုံးဖြတ် ချက်နဲ့ သွားကြိုတာမဟုတ်ပါဘူး" ဟု အမျိုးသားဒီမိုကရေစီ အင်အားစုပါတီ ဥက္ကဋ္ဌ ဦးခင်မောင်ဆွေက မြန်မာ တိုင်း(မ်)ကို ပြောသည်။

သမ္မတဦးသိန်းစိန်သည် စက်တင်ဘာ လ ၂၄ ရက်နေ့တွင် အမေရိကန်နိုင်ငံ သို့ ထွက်ခွာသွားခဲ့ပြီး (၆၇)ကြိမ်မြောက် ကုလသမဂ္ဂ အထွေထွေညီလာခံသို့ တက်ရောက်မိန့်ခွန်းပြောကြားခဲ့သည်။

သမ္မတဦးသိန်းစိန်နှင့် အမေရိကန်နိုင်ငံခြားရေးဝန်ကြီး ဟီလာရီကလင်တန်တို့တွေ့ဆုံစဉ် အမေရိကန်နိုင်ငံက မြန်မာနိုင်ငံအပေါ်တွင် အရေးယူချမှတ်ထားသည့် ပို့ကုန်ပိတ်ဆို့မှုများကို ပယ်ဖျက်လိုက်ပြီဖြစ်ကြောင်း ဟီလာရီကလင်တန်က ဦးသိန်းစိန်ကို အသိပေး ပြောကြားခဲ့သည်။