တောင်ဥက္ကလာပက စိတ်ကြိုက်အိမ်တစ်လုံး

ခြံအကျယ်အ၀န်းစတုရန်းပေ ၃,၅၀၀ (ပေ ၅၀x ပေ ၇၀) တောင် ရှိတဲ့အတွက် မိသားစု အဆင်ပြေပြေနဲ့နေနိုင်မှာပါ။ ခြံထဲမှာ ပန်းခြံအသေးစားနဲ့ မြက်ခင်းပြင်ပြုပြင်ဖန်တီးဖို့နေရာလေးရယ်၊ ကွန်ကရစ် ခင်းမျက်နှာစာရယ်နဲ့ ကျယ်ကျယ်ပြန့်ပြန့်ရှိပါတယ်။ ကားတစ်စီးစာရပ်နားနိုင်ဖို့ ကားဂိုဒေါင် လေးကလည်း အိမ်နဲ့ တွဲလျက်ရှိပါတယ်။ .......

Yangon Weather Forecast, Burma

နယ်မြို့တေးရေးများကို အလေးထားမှု နည်းလာ

မန္တလေးမြို့ အပါအ၀င် နယ်မြို့များရှိ တေးရေးဆရာများ၏ သီချင်းများကို အသိပေးခြင်း၊ ခွင့်ပြုချက် တောင်းခံခြင်းများမရှိဘဲ တေးစီးရီးများ၊ ဗီစီဒီများ နှင့် ဗီဒီယိုဇာတ်လမ်းများတွင် သုံးစွဲလာ ကြခြင်းများ ပိုမိုကြုံတွေ့လာရပြီး နယ်ရှိ တေးရေးများ၏ အလေးထားခံရမှု လျော့ကျလာသည်ဟု ပြောဆိုမှုများ ရှိလာကြောင်း စုံစမ်းသိရှိရသည်။

ဆရာမြို့မငြိမ်း သက်ရှိထင်ရှားရှိစဉ်က မြို့မတူရိယာအသင်းကြီးတွင် double base တီးခတ်သူ (ဦး)၀င်းလွင် (အောင်တော်မူ) ရေးသားခဲ့သော ချစ်အာရုံ တေးသီချင်းကို စီစဉ်သူ ဒါရိုက်တာဇော်မင်း(ဂစ်တာ)ရိုက်ကူးသည့် ခေတ်သစ်မွေးဌာနီ ဗီစီဒီကာရာ အိုကေ တေးစီးရီးတွင် တေးသံရှင် စိမ့်နေခြည်က သက်ဆိုင်ရာမိသားစုထံ တစ်စုံတစ်ရာ ခွင့်ပြုချက်တောင်းခံခြင်းမရှိဘဲ သီဆိုခဲ့ကာ ၎င်း မြန်မာသံစဉ် သီချင်းကိုပင် ခေတ်ပေါ်ဂီတအဖြစ် remix ပြုလုပ် သီဆိုထားသည်ကို ကြုံတွေ့ရပြီး နောက်ပိုင်း ပညာရှင်တချို့က ယခု ကဲ့သို့ သုံးသပ်ကြခြင်းဖြစ်သည်။

"ကျွန်တော့ဖခင်ရဲ့ အနုပညာ အမွေအနှစ်ဖြစ်တဲ့ ချစ်အာရုံသီချင်းဟာ ဒါရိုက်တာမောင်တင်ဦးရိုက်ကူးတဲ့ 'ပန်းမြိုင်လယ်ကဥယျာဉ်မှူး' ဇာတ်ကားမှာ အောင်မြင်မှုရခဲ့တဲ့ ဇာတ်ဝင်တေး တစ်ပုဒ်ဖြစ်ပါတယ်။ ဒီသီချင်းကို ကွယ်လွန်သွားပြီဖြစ်တဲ့ ယောက်ျားအဆိုတော် တစ်ဦး အပါအ၀င် လက်ရှိအဆို တော်နှစ်ဦးသုံးဦးက ခွင့်ပြုချက်မတောင်းဘဲ ပြန်ဆိုနေတာကို သိရပါတယ်။

"ဒီသီချင်းရဲ့ သံစဉ်စာသား တစ်ပုဒ်လုံးကိုဖြစ်စေ၊ တစ်စိတ်တစ်ပိုင်းကို ဖြစ်စေ ခွင့်ပြုချက်မရဘဲ မသုံးစွဲဖို့၊ သုံးစွဲခဲ့ရင် တရားဥပဒေအရ အရေးယူမယ်ဆိုတာကို ၂၀၀၁ ခုနှစ်၊ ဩဂုတ် ၁၂ ရက်နေ့ထုတ် ကြေးမုံသတင်းစာမှာ ကြေညာထားခဲ့ပြီးသားပါ။ ဒါပေမယ့် သီချင်း အောင်မြင်တာနဲ့အမျှ ဗီဒီယို ဇာတ်ကားတွေ၊ ဗီစီဒီခွေတွေမှာ သုံးနေကြပြီး အသိပေးတာ၊ ခွင့်ပြုချက်တောင်းခံတာ မရှိတဲ့အပြင် တေးရေးနာမည်ကိုတောင် မဖော်ပြတာမျိုး ကြုံနေရပါတယ်"ဟု တေးရေးဝင်းလွင် (အောင်တော်မူ)၏ သားဖြစ်သူ ခွဲစိတ် အထူးကု ဆရာဝန်ကြီး ဒေါက်တာမောင်မောင်လွင် က မန္တလေး ၈၄ လမ်းရှိ D & G Food Center တွင် ဖေဖော်ဝါရီ ၂၄ ရက်နေ့ က မီဒီယာ များအားပြောကြားသည်။

မူပိုင်ခွင့် ဥပဒေ တိတိပပ ထွက်ပေါ် လာခြင်းမရှိသေးသော်လည်း အနုပညာ ပစ္စည်းတစ်ရပ်အပေါ်တွင် အနုပညာ ဖန်တီးသူများက အလေးထားသင့်ကြောင်း၊ ခွင့်ပြုချက်တောင်းခံလာပါက သီချင်းစာသား မူမှန်ဖြစ်ရေးကိုလည်း အမြဲဆောင်ရွက်ပေးကြောင်း ဒေါက်တာ မောင်မောင်လွင်က ဆိုသည်။

ထို့ပြင် ဖခင်၏အမွေအနှစ်အနုပညာ ပစ္စည်းမှရရှိလာသော ဉာဏ်ပူဇော်ခကို မိသားစုကိုယ်ကျိုးအတွက်အသုံးမပြုဘဲ မြို့မ အသင်းတိုက်ရှိ သက်ကြီးဝါကြီး အနုပညာရှင်ကြီးများအား ကန်တော့ခြင်း၊ အခြားကောင်းမှု ကုသိုလ်များ ပြုလုပ်ခြင်းဖြင့်သာ သုံးစွဲခြင်းဖြစ်ကြောင်း ၎င်းက ဆက်လက်ပြောသည်။

ထိုကဲ့သို့ ကျန်ရစ်သူမိသားစု၏ ခွင့်ပြုချက်တောင်းမခံဘဲ အသုံးပြုခြင်းကို ၂၀၀၉ ခုနှစ်ကလည်း ကြုံတွေခဲ့ရကြောင်း သိရသည်။

၎င်းမှာ ၁၉၇၀ ၀န်းကျင်က မင်းသမီးညိုညိုစန်းအတွက် ရွာစားကြီးစိန်တင်ဟန် ရေးစပ်ပေးခဲ့ပြီး ဒါရိုက်တာမောင်ယဉ်အောင်၏ 'ကိုးဆယ်ဆသာလိမ့်မယ်' ပြဇာတ်ဖြင့် နာမည်ကြီးခဲ့သည့် 'ထန်းရွက်ပုတီး' သီချင်းကို ၂၀၀၈ ခုနှစ်က ထွက်ရှိခဲ့သော အငြိမ့်ခွေ၌ ကျန်ရစ်သူမိသားစုအား ခွင့်ပြုချက်မတောင်းခံဘဲ သုံးခဲ့ခြင်းဖြစ်သည်။

ထို့ပြင် ပလေးဘွိုင်းသန်းနိုင်သီဆို နာမည်ကြီးခဲ့သော 'ညမွှေးပန်း' သီချင်း၏ တေးရေးဆရာအဖြစ် တေးရေး နှစ်ဦးထွက်ပေါ်လာကာ ယနေ့တိုင် တေးရေးသူအမှန်ကို မဆုံးဖြတ်နိုင်သေးသည့် ဖြစ်ရပ်တို့ဖြစ်သည်။

ယင်းဖြစ်ရပ်များအတွက် မူရင်းပိုင်ရှင်၊ သို့မဟုတ် ကျန်ရစ်သူမိသားစုက အထောက်အထားခိုင်လုံစွာဖြင့် မြန်မာ နိုင်ငံဂီတအစည်းအရုံး သို့ တင်ပြ တိုင်ကြားသင့်ကြောင်း၊ မူပိုင်ရှင်မသိ၍ အစည်းအရုံးနှင့် ဆက်သွယ်ခဲ့လျှင် အစည်းအရုံးက တတ်နိုင်သည့် လမ်းညွှန်မှု များပေးကြောင်း မြန်မာနိုင်ငံဂီတ အစည်းအရုံးမှ အတွင်းရေးမှူး တေးရေး မောင်သစ်မင်းက ပြောကြားသည်။

"တေးရေးဆူးရဲ့ အစ်မက 'မိုးစက်တင်လေ'သီချင်းကို ခွင့်ပြုချက်မတောင်းဘဲ သုံးထာလို့ တိုင်ကြားထားပါတယ်။

အလားတူကိစ္စတွေမှာ ပြစ်မှုထင်ရှားရင် ဂီတအစည်းအရုံးက အရေးယူဆောင်ရွက်ပေးပြီး ထိုက်တန်တဲ့ အနုပညာကြေး ရရှိအောင် ဆောင်ရွက်ပေးသလို သတင်းစာနှစ်စောင်ကနေ မူရင်း ပိုင်ရှင်ကို လူသိရှင်ကြားတောင်း ပန်စေမှာ ဖြစ်ပါတယ်"ဟု ၎င်းကပြောသည်။

သို့ရာတွင် သီချင်းတစ်ပုဒ် အနုပညာ ပစ္စည်းတစ်ခုအတွက် ယခုလိုဖြစ်ရပ်မျိုး မကြာခဏကြုံတွေ့လာရပါက ရေရှည်တွင် နယ်မှ တေးရေးများအပေါ် တန်ဖိုးထားမှု ပိုမိုလျော့ကျလာနိုင်ကြောင်း၊ မြန်မာနိုင်ငံတွင် လက်ရှိကျင့်သုံးနေသော မူပိုင်ခွင့်အက်ဥပဒေမှာ ၁၉၁၄ ခုနှစ်၊ ဖေဖော်ဝါရီလ ၁၄ ရက်က ဥပဒေဖြစ်၍ ပိုမိုကောင်းမွန်အောင် ဖြည့်စွက်ပြင်ဆင် ပြဋ္ဌာန်းသင့် ပြီဖြစ်ကြောင်း မန္တလေး မြို့ခံစာရေးဆရာ တစ်ဦးက ပြောကြားသည်။