တောင်ဥက္ကလာပက စိတ်ကြိုက်အိမ်တစ်လုံး

ခြံအကျယ်အ၀န်းစတုရန်းပေ ၃,၅၀၀ (ပေ ၅၀x ပေ ၇၀) တောင် ရှိတဲ့အတွက် မိသားစု အဆင်ပြေပြေနဲ့နေနိုင်မှာပါ။ ခြံထဲမှာ ပန်းခြံအသေးစားနဲ့ မြက်ခင်းပြင်ပြုပြင်ဖန်တီးဖို့နေရာလေးရယ်၊ ကွန်ကရစ် ခင်းမျက်နှာစာရယ်နဲ့ ကျယ်ကျယ်ပြန့်ပြန့်ရှိပါတယ်။ ကားတစ်စီးစာရပ်နားနိုင်ဖို့ ကားဂိုဒေါင် လေးကလည်း အိမ်နဲ့ တွဲလျက်ရှိပါတယ်။ .......

ကြည်နူးမျက်ရည်တွေ၊ ပြောင်လှောင်သရော်မှုတွေနဲ့ အော်စကာ ဇာတ်လမ်းတွေ

မတ်လ ၇ ရက်မှာ ကျင်းပမယ့် အော်စကာဆုပေးပွဲ အခမ်းအနားကို ပြင်ဆင်ဖို့အတွက် အော်စကာရုပ်တုတွေ သယ်ယူလာစဉ်။
ဓာတ်ပုံ-အေအက်ဖ်ပီ

ဆုရသူတွေရဲ့ တားဆီးမရ ရှိုက်ငင်သံ တွေကစ မှင်တက်လောက်တဲ့ နိုင်ငံရေးပေါက်ကွဲသံတွေ၊ အံ့ဩစရာ မထီတရီ လုပ်မှုတွေ၊ ၀တ်လစ် စားလစ်ရောက် လာသူတွေအဆုံး .. အော်စကာဟာ အားလုံးကို ကြုံ တွေ့ခဲ့ဖူးပါပြီ။

လာမယ့် တနင်္ဂနွေနေ့မှာ ကျင်းပမယ့် အော်စကာဆု ချီး မြှင့်ပွဲကတော့ ဒီနှစ်အဖို့ တစ်မူထူးခြားတဲ့ ဇာတ်တစ်ပုဒ်ကို မြင်တွေ့ရ ဖွယ်ရှိပါတယ်။

ဟောလိဝုဒ်ရဲ့ အခမ်းနားအကြီးကျယ်ဆုံးညနေခင်းကို စီစဉ်ကြသူတွေ ဟာ ကြည့်ရှုသူတွေကိုဒေါသထွက် ကောင်းထွက်စေနိုင်မယ့် မျှော်လင့် မထားတဲ့ ဇာတ်လမ်းတွေ၊ ဒါမှမဟုတ် အသေအချာ ချိန်ကိုက်ထားတဲ့ ပြပွဲ ရုပ်သံ အစီအစဉ်တွေကို တလွဲတချော် ဖြစ်စေမယ့် ကိစ္စမျိုးတွေ အတွက်ပြင်ဆင် အားတင်းထားကြပါတယ်။

ဒါပေမယ့်ထိန်းမနိုင်သိမ်းမရ စိတ်လှုပ်ရှားမှုတွေ၊ သေသေချာချာပြင်ဆင် ဇာတ်တိုက်ထားမြဲ အခမ်းအနားကြီး အတွင်းက ဇာတ်ညွှန်းထဲမှာ မပါတဲ့ အခိုက်အတန့်လေးတွေဟာ အော်စကာ ညနေချမ်းကို တသသဖြစ်နေစေမယ့် ရာတွေပါပဲ။

အကျော်ကြားဆုံးဇာတ်လမ်းတစ်ပုဒ်က ၁၉၇၃ ခုနှစ်မှာ ပေါ်ပေါက်ခဲ့ပါတယ်။ သူ့ကိုယ်သူ ဆာချန်လစ်တဲလ်ဖဲသားလို့ဆိုတဲ့အမျိုးသမီး တစ်ဦးက The Godfather ဇာတ်ကားအတွက်ရတဲ့ မာလွန်ဘရန်ဒိုရဲ့ အကောင်းဆုံး မင်းသားဆုကို ယူဖို့ဆိုပြီး ကြက်သေသေနေတဲ့ ပရိသတ်ရှေ့မှာမတ်တတ်ကြီးရပ်နေခဲ့ပါတယ်။

ဒါ့ပြင် သူကဌာနေ အမေရိကန်တွေအပေါ် ရုပ်ရှင်လုပ်ငန်းက ဆက်ဆံပုံကို ကန့်ကွက် တဲ့ အနေနဲ့ ဆုလက်ခံယူဖို့ ငြင်းတယ်လို့ ဘရန်ဒိုရဲ့ကိုယ်စား ပြောခဲ့ပါတယ်။

ရုပ်သံပရိသတ်က သန်းထောင်ချီ ရှိတာကြောင့် ဒီစင်မြင့်ကို နိုင်ငံရေး မှတ်ချက်တွေ ချမှတ်ရာနေရာအဖြစ် အသုံးပြုချင်စရာလည်း ကောင်းနေပါတယ်။နိုင်ငံရေးသမားတွေအဖို့ကတော့ အော်စကာညဟာ ကြာရှည်မခံ ခဏအတွင်း ပြီးပြီးပျောက်ပျောက်ဖြစ်သွားတဲ့ အောက်မေ့စရာအဖြစ်တွေ ပြန့်ကျဲနေတဲ့ပွဲပဲ ဖြစ်ပါတယ်။

(အေအက်ဖ်ပီ)
ခင်သန်း ဘာသာပြန်သည်။