မြို့လယ်မှာ ကွန်ဒိုကျယ်ကျယ် လိုတယ်ဆိုရင်
ဒီတိုက်ခန်းကျယ်က ဗိုလ်အောင်ကျော်လမ်းနဲ့ မဟာဗန္ဓုလလမ်းထောင့်မှာရှိ တဲ့ ဆီးဂရင်းန်တာဝါရဲ့ ဆယ်ထပ် မြောက်မှာတည်ရှိ ပါတယ်။ အထပ်မြင့် မှာဖြစ်တဲ့အတွက် ဗိုလ်အောင်ကျော် လမ်းနဲ့ ကျောက်တံတားမြို့နယ် တစ်ဝိုက်ရဲ့မြင်ကွင်း တွေကို ရှုမြင်နိုင်မယ်၊ လေကောင်းလေသန့်ရရှိနိုင်မယ် စတဲ့ အားသာချက်လေးတွေရှိနေပါတယ်။......
တစ်ပတ်စာ သင်၏ကံဇာတာ
ပရောဖက်မြတ်သစ် (နက္ခတ္တဝေဒပညာရှင်)
အခန်း(၁၀၂)၊ ပထမထပ်၊ တိုက်(၄)၊ သီရိဂုဏ်အိမ်ရာ
ဝေဇယန္တာလမ်း၊ ၁၆/၂ ရပ်ကွက်၊ သင်္ဃန်းကျွန်း။
ဖုန်း - ၅၆၄၁၀၆
ရုပ်ဝတ္ထုဆန်သောမြို့မှ အနုပညာဆန်သောမြို့ဆီသို့
အတွဲအမှတ် (၂၃ ၊ အမှတ် ၄၅၂)
အန်ဂိုမြို့ငယ်လေးရဲ့ မြင်ကွင်းတစ်နေရာ။ နံနက်ခင်းရဲ့ နေရောင်ခြည်က အခန်းပြတင်းတံခါးမှန်ကိုသာမက ပါးလွှာတဲ့ လိုက်ကာကိုပါ ဖောက်ထွင်းပြီးကျအလာ ကျွန်တော်အိပ်ရာက နိုးလာပါတယ်။ ပြတင်းပေါက်ကနေ မျှော်ငေးကြည့် လိုက်ရင်တော့ ယာဉ်တွေ၊ လူတွေ ဥဒဟိုသွားလာနေတဲ့ မင်းလမ်းမကြီးရှိပြီး လမ်း ဟိုဘက်မှာတော့ လူနေအိမ်ပုလေးတွေနဲ့အတူ နေမင်းကြီးမေးတင်လို့ ထွက်ပြူလာရာ မြို့ပြင်ဟိုးအဝေးက စိမ်းမြနေတဲ့ တောင်တန်းတောင် ကြောတစ်ခု။
မင်းလမ်းမဟာ ချောင်းငယ်တစ်ခု အပေါ်ကဖြတ်သန်းသွားတယ်။ချောင်း ဖြတ်တံတားပေါ်က ကြည့်ရင်တော့ ချောင်းအထက်မှာ ကြိုးနဲ့ဆိုင်း ထားတဲ့ အိမ်ငယ်တစ်လုံးကို မြင်ရတယ်။ ညတုန်းကတော့ ဒီအိမ်ရဲ့ အတွင်းမှာ ထွန်းထားတဲ့မီးရောင်က စက္ကူတစ်မျိုးနဲ့ လုပ်ထားတဲ့ အိမ်နံရံကိုဖောက်ထွင်းထွက်လာပြီး ချောင်းရေပေါ်မှာ ရောင်ပြန်ဟပ်နေတာမို့ အတော်ကို လှနေပါတယ်။ အင်စတော်လေးရှင်း အနုပညာကို ပြသထားတဲ့ နမူနာတစ်ခုပေါ့။
ဖိလစ်ပိုင်နိုင်ငံ မနီလာမြို့ကနေ တစ်နာရီလောက် ကားစီးသွားရတဲ့ 'အန်ဂိုနို'ဆိုတဲ့မြို့ငယ်လေးကို ကျွန်တော်ရောက်နေတာဖြစ်ပါ တယ်။ မြို့ခံ အနုပညာသမားတွေနဲ့ မိတ်ဆွေနိုင်ငံတွေနဲ့ အနုပညာဆိုင်ရာ ပူးပေါင်း ဆောင်ရွက်မှုတွေလုပ်တဲ့ ဂျပန်ဖောင်ဒေးရှင်းတို့ ပူးပေါင်းစီစဉ်တဲ့ ပြည်သူနဲ့ထိစပ်တဲ့ အနုပညာဆိုင်ရာ တွေ့ဆုံဆွေးနွေးပွဲနဲ့ ခြောက်ကြိမ်မြောက် နီယိုအန်ဂိုနို အနုပညာပွဲတော်ကို တက်ရောက်ဖို့ ရောက်ရှိနေတာပါ။ မြို့ငယ်လေးဆိုပေမယ့် မြို့အနီးက နိုင်ငံ့အကြီးဆုံးလဂူးနာ ရေအိုင်ကြီး (Laguna de Bay) ရဲ့ ကမ်းစပ်တစ်လျှောက်က လယ်စိုက်ခင်းတွေနဲ့ တံငါရွာတန်းလေးတွေနဲ့ ဆက်သွားတာမို့ ဧရိယာအတော်ကြီးပါတယ်။ အန်ဂိုနိုဟာ မနှစ်က တိုက်ခတ်သွားတဲ့ တိုင်ဖုန်းမုန်တိုင်း အွန်ဒွိုင်းရဲ့ ဒဏ်ကိုလည်း အတော်လေးခံခဲ့ရတဲ့ ဒေသဖြစ်ပါတယ်။
အန်ဂိုနိုဟာ 'ဖိလစ်ပိုင်နိုင်ငံရဲ့ အနုပညာမြို့တော်'လို့ ကျော်ကြားတဲ့မြို့ဖြစ်ပါတယ်။ ကွယ်လွန်သွားကြပြီဖြစ်တဲ့ လူစီယိုစန်ပက်ဒရိုနဲ့ ကားလို့စ်ဘိုတောင်း ဖရန်စစ္စကိုဆိုတဲ့ နိုင်ငံ့ဂုဏ်ရည်အမျိုးသား အနုပညာရှင်ကြီးနှစ်ဦးကြောင့်လည်း ပိုကျော်ကြားပါတယ်။ ဒါ့ပြင် မြောက်မြားလှစွာသော အနုပညာရှင် မျိုးဆက်ကြီး ငယ်တွေလည်း နေထိုင်ခဲ့၊ နေကြဆဲပါ။ သူတို့ရဲ့ ဖန်တီးမှုလက်ရာတွေကလည်း နေရာအနှံ့မှာ လက်ညှိုးထိုးမလွဲ။ အန်ဂို နိုမြို့ဆီ ရောက်သွားရတာဟာ အနု ပညာလက်ရာပစ္စည်း အမျိုးအစား ပေါင်းစုံကို စုပုံပြသ ထားတဲ့ ပြတိုက်ကြီး၊ ပြခန်းကြီးတစ်ခုထဲကို ရောက်သွားရသလိုပါပဲ။
ဒီထဲကမှ ဒီမြို့က မြို့ခံအနုပညာသမားတွေက အဓိကဦးဆောင်ပြီး အနုပညာနဲ့ဆိုင်တဲ့ လှုပ်ရှားမှုတွေလုပ်ဆောင်ဖို့ ဖွဲ့စည်းထားတဲ့ 'နီယိုအန်ဂိုနို' လို့ ခေါ်တဲ့အဖွဲ့အစည်းလေးကတော့ မြို့ကို လှုပ်ရှားသက်ဝင်မှု အရှိစေဆုံးလို့ ပြောလို့ရပါတယ်။ ဒီအဖွဲ့အစည်းက ဦးဆောင်ပြီးတော့ပဲ 'ပြည်သူနဲ့ထိစပ်တဲ့ အနုပညာပွဲတော်' (Public Art Festival) ကို ကျင်းပလာတာ ဒါပါနဲ့ဆို ခြောက်ကြိမ်တိုင်ပြီ ဖစ်ပါတယ်။ ၂၀၀၄ ခုနှစ်က စတည်ထောင်ခဲ့တဲ့ နီယိုအန်ဂိုနိုမှာ အနုပညာနယ်ပယ် အသီးသီးက အနုပညာရှင်တွေ အသင်းဝင် အဖြစ်ပါဝင်ပြီး ဂျပန်တို့ အမေရိကန်တို့က အနုပညာရှင်အချို့တောင် ပါဝင်ကြပါတယ်။
အနုပညာပွဲတော်နဲ့ တစ်ပါတည်းကျင်းပ တဲ့ တွေ့ဆုံဆွေးနွေးပွဲတော့ ပြည်တွင်းနဲ့ နိုင်ငံတကာကအနုပညာသမားတွေ၊ အနုပညာ ဘာသာရပ်ပညာရှင်တွေ တွေ့ဆုံပြီး ယနေ့ကမ္ဘာမှာခေတ်စားနေတဲ့ စကားလုံးဖြစ်တဲ့ အနုသုခမမြို့ (Creative City) တွေ တည်ဆောက် နေကြရာမှာ အန်ဂိုနိုမြို့လေးကလည်း ဘယ်အခန်းကဏ္ဍက နေပါဝင်မလဲ၊ အန်ဂိုနိုကရော အနုပညာရသမြောက် တဲ့မြို့ဖြစ်ဖို့ရာ ဘယ်လောက်အလား အလာရှိသလဲဆိုတာကို နှီးနှောတိုင်ပင် ကြတာပဲဖြစ်ပါတယ်။ အဲဒီလို ရသမြောက်တဲ့ မြို့ အဖြစ်ဖန်တီးတဲ့ နေရာမှာ အဓိကကျတဲ့ အချက်ကတော့ ခုနကဆိုခဲ့တဲ့ ပြည်သူနဲ့ထိစပ်တဲ့ အနုပညာတွေ များများစားစား ပြုလုပ် ဖန်တီးရေးပါပဲ။
ပြည်သူနဲ့ထိစပ်တဲ့အနုပညာ (Public Art) ဆိုတာကတော့ အနုပညာပစ္စည်းတွေဟာ တသီးပုဂ္ဂလဆန်လွန်း တဲ့လေးဘက်လေးတန် နံရံတွေကြားမှာ ရှိနေရာကနေ အများပြည်သူနဲ့ စပ်ဆိုင်တဲ့ နေရာတွေဆီကို ပြောင်းရွှေ့ရောက်ရှိလာတာကိုခေါ်တာပါ။ အနုပညာဟာ အနုပညာရှင်နဲ့ အနုပညာကို စိတ်ဝင်စားသူကွက်ကွက်လေးအတွက်ပဲ မဟုတ်တော့ဘဲ အများပြည်သူအားလုံးနဲ့ သက်ဆိုင်တဲ့ ပစ္စည်း တွေဖြစ်လာတာ၊ အနုပညာနဲ့ ပြည်သူနဲ့တစ်သားတည်း ဖြစ်သွားတာပါ။အစဉ်အလာအရတော့ ဗိသုကာလက်ရာမြောက် အဆောက် အအုံတွေ၊ အထိမ်းအမှတ်ပစ္စည်းတွေ၊ ရုပ်တုတွေ၊ ကျောက်တိုင်တွေ၊ ဆေးရေးပန်းချီ စတာတွေဟာ ပြည်သူနဲ့ ထိစပ်တဲ့ အနုပညာလို့ ဆိုကြပေမယ့် သူ့ရဲ့အဓိပ္ပာယ် သတ်မှတ်ချက်ကတော့ ဒီထက်ပိုပြီးကျယ်ဝန်းတယ်လို့ ဆိုပါတယ်။ ဆိုခဲ့တဲ့ သက်ငြိမ်ပစ္စည်းတွေ သာမက သက်ဝင်လှုပ်ရှား အနုပညာတွေဖြစ်တဲ့ အက၊ စီတန်းလှည့်လည် သရုပ်ပြခြင်း၊ လဟာပြင် (သို့) လမ်းမထက်က ဇာတ်က ပွဲတွေ၊ ကဗျာရွတ်ပွဲ စတာတွေကိုလည်း ဒီခေါင်းစဉ်အောက်မှာ ထည့်သွင်းလို့ရပါတယ်။
ဆွေးနွေးပွဲမှာတော့ တက်ရောက်လာတဲ့ နိုင်ငံတကာအနုပညာသမားနဲ့ ပညာရှင်အချို့က စာတမ်းဖတ်ကြပါတယ်။ အများနဲ့ဆိုင်တဲ့ အနုပညာအပေါ် ပြည်သူလူထုရဲ့လက်ခံနိုင်မှုအကြောင်း ထိုင်းနိုင်ငံက အနုပညာသမိုင်းဆရာမ မစ္စထာန၀ီ ချိုပရာဒစ်၊ အင်ဒိုနီးရှား နိုင်ငံ၊ ယို့ဂျာကာတာမြို့က နံရံဆေးရေး ပန်းချီနဲ့ မှုတ်ဆေးပန်းချီတွေအကြောင်း ကို အင်ဒိုနီးရှားနိုင်ငံက ပန်းချီဆရာမ မစ္စအီယာနီ အာရာဟာ မေနီ၊ ဂျပန် နိုင်ငံက အနုပညာမြို့တွေအကြောင်းကို ဂျပန်နိုင်ငံ အိုဆာကာစီးတီးတက္ကသိုလ်က ပါမောက္ခ ဒေါက်တာ မာဆာယုကီ ဆာဆာကီးနဲ့ ဖိလစ်ပီနိုစာပေနဲ့ ဖိလစ်ပိုင်သမိုင်းတို့ ဆက်စပ်မှုအကြောင်းကို ဖိလစ်ပီနို အမျိုးသားအနုပညာရှင် ပါမောက္ခ ဘျန်ဗဲနိဒို လွန်ဘဲရာတို့က အသီးသီးစာတမ်းဖတ်ကြပါတယ်။ သူ တို့အသီးသီး ဖတ်ကြားသွားတဲ့ခေါင်းစဉ်တွေဟာ အလွန်စိတ်ဝင်စား ဖို့ကောင်းတဲ့ အကြောင်းအရာတွေ ဖြစ်ပါတယ်။
အဲဒီထဲကမှ ပါမောက္ခ ဒေါက်တာ ဆာဆာကီးရဲ့လေ့လာချက်ကတော့ အတော်လေးကို စိတ်ဝင်စားစရာဖြစ်ပါတယ်။ ဂလိုဘယ် လိုက်ဇေးရှင်းခေါ် ကမ္ဘာ့ရေစီးကြောင်းကြီးရဲ့ဂယက်နဲ့အတူ စက်မှုထွန်းကားတဲ့ နိုင်ငံကြီးတွေမှာ စက်မှုအခြေပြု မြို့ပြတည်ထောင်မှု စနစ်ကနေ ယဉ်ကျေးမှုအခြေပြုမြို့ပြတည်ထောင်မှုဘက်ကို ပြောင်းလဲလာ ခဲ့တဲ့အကြောင်းပါပဲ။ ကမ္ဘာ့ရေစီး ကြောင်းအသစ်ထဲမှာ အရင်းရှင်နိုင်ငံကြီးအချို့အနေနဲ့ ကုန်ပစ္စည်းထုတ်လုပ်မှု အခြေခံစီးပွားရေးကနေ အသိပညာနဲ့ သတင်းအချက်အလက်တွေပေါ်မှာ အခြေခံတဲ့ စီးပွားရေးအသွင် ဘက်ကို ၂၀ ရာစု အကုန်၊ ၂၁ ရာစု အစပိုင်းမှာ ယိမ်းမှန်းမသိ ယိမ်းလာခဲ့ ကြပါတယ်။ အဲဒီ စီးပွားရေး အသွင် သဏ္ဌာန်အသစ်ရဲ့ အဓိကနောက်ကွယ်က ထောက်တိုင်ကတော့ အနုပညာနဲ့ နည်းပညာဆိုင်ရာ တီထွင်ဖန်တီးမှုတွေပါပဲတဲ့။
အရင်ကဆိုရင် တိုင်းပြည်တစ်ပြည်စီးပွားရေးဖွံ့ဖြိုးတိုးတက်လာပြီဆိုရင် ပြယုဂ်အဖြစ် စက်မှုလက်မှုလုပ်ငန်းတွေ ထွန်းကားတဲ့မြို့ကြီး တွေ ပေါ်လာ မယ်။ ဒီမြို့ကြီးတွေမှာ လူဦးရေတွေ များလားမယ်။ တိုက်တာအဆောက်အအုံတွေ ဖွံ့ဖြိုးတိုးတက်လာမယ်။ အလွန် လျင်မြန်တဲ့ခေတ်မီယာဉ်တွေ ရထားတွေရှိလာမယ်။ အဲလိုမျိုးရုပ်ဝတ္ထု တိုးတက်မှုကိုသာ ဖွံ့ဖြိုးတိုးတက်မှုအဖြစ် ရှုမြင်ပြီး စီးမျောလိုက် ခဲ့ကြရာကနေ စိတ်ပိုင်းဆိုင်ရာခံစားမှုကဏ္ဍတွေဖြစ်တဲ့ ကဗျာ၊ စာပေ၊ ဂီတ၊ ပန်းချီ၊ ပန်းပုစတဲ့ အနုပညာဘက်ကို တစ်ဖန်ပြန်ပြီးလှည့် လာကြပါတယ်။ ဒီလိုမျိုး ကမ္ဘာ့ မြို့ကြီး အချို့ကို စက်မှုမြို့အဖြစ်ကနေ အနုသုခုမ မြို့ကြီးတွေအဖြစ် ပြုပြင်ပြောင်းလဲလာကြရာမှာ အရေးပါတဲ့ အခြေခံအချက်တွေအပေါ်ကို အခြေပြုတယ်လို့ ဒေါက်တာ ဆာဆာကီးက သူ့စာတမ်းမှာ သုံးသပ်ပြထားပါတယ်။
အနုသုခုမမြို့တစ်မြို့ဖြစ်အောင် ဖန်တီးတော့မယ်ဆိုရင် အဲဒီမြို့မှာ (တစ်) အနုပညာသမားတွေ၊ သိပ္ပံပညာရှင်တွေ၊ အင်ဂျင်နီယာ တွေ၊ ပန်းဆယ်မျိုး အတတ်ပညာရှင်တွေ အရေအတွက်လည်း များလာရမယ်၊ လှုပ်ရှားမှုတွေလည်း တိုးလာရပါမယ်။ (နှစ်) မြို့ပြ ပတ်ဝန်းကျင်ရဲ့ အငွေ့အသက်တွေ၊ ဖန်တီးမှုတွေကို ခံစားနိုင်ရလောက် အောင် အဲဒီမြို့သူမြို့သားတွေကလည်း ငွေနဲ့ကြေးနဲ့ဖြစ် လာရမယ်၊ မိုးလင်း မိုးချုပ်တကုပ်ကုပ်အလုပ်ချည်းပဲ လုပ် နေတာမျိုးမဟုတ်ဘဲ အနုပညာလက်ရာတွေ၊ ပစ္စည်းတွေကို ခံစားနိုင် ရလောက်အောင် အချိန်ပေးနိုင်ရမယ်။
(ဆက်လက်ဖော်ပြပါမည်။)