ဝရန်တာအများကြီးပါတဲ့ လုံးချင်းအိမ်
ဒီတစ်ပတ်ရွေးချယ်ထားတဲ့ အိမ်လေးက မြို့ထဲနဲ့အလှမ်း မဝေးလှတဲ့တာမွေမြို့နယ် မှာပါ။ တာမွေနဲ့ သင်္ဃန်းကျွန်း မြို့နယ်အစပ်မှာရှိပြီး တာမွေလေးလို့ လည်းလူ သိများပါတယ်။ လေးထောင့် ကန်လမ်းမကြီးကနေ ချိုးကွေ့ဝင်သွားရတဲ့ ပင်ရွှေညောင်လမ်းထဲမှာရှိပါတယ်။.......
တစ်ပတ်စာ သင်၏ကံဇာတာ
ပရောဖက်မြတ်သစ် (နက္ခတ္တဝေဒပညာရှင်)
အခန်း(၁၀၂)၊ ပထမထပ်၊ တိုက်(၄)၊ သီရိဂုဏ်အိမ်ရာ
ဝေဇယန္တာလမ်း၊ ၁၆/၂ ရပ်ကွက်၊ သင်္ဃန်းကျွန်း။
ဖုန်း - ၅၆၄၁၀၆
'မြတ်ဗုဒ္ဓသို့ ဂီတအဉ္ဇလီ' တေးစီးရီး စတင်ဖြန့်ချိ
အတွဲအမှတ် (၂၃ ၊ အမှတ် ၄၄၉)
'မြတ်ဗုဒ္ဓသို့ ဂီတအဉ္ဇလီ' အမည်ရှိ တေးစီးရီးကို ပြန်ကြားရေးဝန်ကြီးဌာနက ယခုလတွင် စတင်ဖြန့်ချိနေပြီဖြစ် ကြောင်း သိရသည်။
ဗုဒ္ဓဟောကြားခဲ့သော တရားတော် များကို ခေတ်ပေါ်စတီရီယို ဂီတနှင့် သီဆိုထားခြင်းဖြစ်ပြီး သီချင်း ၁၃ ပုဒ် ပါရှိကာ သုခမိန်လှိုင်၊ မောင်သစ်မင်း၊ မင်းချစ်သူ၊ အောင်နိုင်စန်း၊ မြင့်မိုးအောင်တို့က ရေးဖွဲ့ထားသည်။
ဝန်ကြီးဌာန၏ တတိယမြောက် ထုတ်ဝေသော အဆိုပါစီးရီးတွင် ခင်မောင်တိုး၊ သိန်းလှမော်၊ ရန်အောင်၊ ရင်ဂို၊ ဇော်လင်းမောင်၊ ကိုကိုမောင်၊ အောင်ခန့်၊ ဟေမာနေ၀င်း၊ နီလာဝင်း၊ ချွန်းနှင့် New Age Myanmar တို့က ပါဝင် သီဆိုထားသည်။
"ကျွန်တော်တို့ အရင်က လူနေမှုပုံစံ နဲ့ ဒီနေ့ခေတ်နဲ့က ကွာခြားလာတယ်။ ဗုဒ္ဓဘာသာနိုင်ငံဖြစ်လို့ ဗုဒ္ဓဘာသာဝင် တွေ များတယ်။ အရင်က မိဘတွေ ဘုရားကျောင်းကန်သွားရင် လိုက်သွား တယ်။ ကလေးတွေကအစ ဘာသာရေး နဲ့ နီးစပ်တယ်။ ဒီနေ့ခေတ်မှာတော့ ပြင်ပနိုင်ငံတွေရဲ့ ယဉ်ကျေးမှုနဲ့ အယူ အဆတွေက နိုင်ငံအတွင်းကို ထိုးဖောက် ၀င်ရောက်လာတယ်။ လူငယ်အများစုဟာ ဘုရား ကျောင်းကန်သွားတာ နည်းလာသလို ဘာသာတရားနဲ့ ကင်းကွာ သလိုဖြစ်လာတယ်။ တခြား ဗုဒ္ဓ ဘာသာနိုင်ငံတွေမှာ ကျွန်တော်တို့ လောက် ထေရ၀ါဒ ဗုဒ္ဓဘာသာ မထွန်းကားပေမယ့် ထိန်းသိမ်းတယ်၊ ဖွံ့ဖြိုးအောင်လုပ်တယ်။ ကျွန်တော်တို့ ဆီမှာလည်း လူငယ်တွေ ဘာသာတရားကို တစ်ဖန် စိတ်ဝင်စားလာအောင်၊ လူငယ်ထုထဲကို ဘာသာတရားတွေ ရောက်ရှိသွားအောင်လုပ်ဖို့ လိုနေပြီ။ ဒါကြောင့် လူငယ်တွေလက်ခံတဲ့ ခေတ်ပေါ်ဂီတနဲ့ တွဲဖက်ထားတဲ့ သီချင်းတွေဆိုရင် လူငယ်တွေ စိတ်ဝင် စားနိုင်တယ်လို့ ယူဆတယ်။ အဓိက ကတော့ လူငယ်တွေအကြားမှာ ပျံ့နှံ့ သွားဖို့ပါပဲ"ဟု မြန်မာ့အသံနှင့် ရုပ်မြင် သံကြား ဒုတိယ ညွှန်ကြားရေးမှူးချုပ် ဦးသိန်းအောင်က ပြောသည်။
မြန်မာနိုင်ငံ ဂီတအစည်းအရုံး၏ နာယက ဂီတစာဆို ဘိုကလေး တင့်အောင်ကလည်း ဗုဒ္ဓဇာတ်နိပါတ်တော်များကိုသာ ရေးဖွဲ့ သီဆို ထား သော တေးသီချင်းများ များစွာရှိသော်လည်း တရားတော်ကို ရေးဖွဲ့ထားသည့် တေးသီချင်းများ ရှားပါးခဲ့ကြောင်း၊ ယခု စီးရီး သည် ဗုဒ္ဓတရားတော်များမှ ထုတ် နုတ်ထားခြင်းဖြစ်ကြောင်း ပြောကြားသည်။
"ဗုဒ္ဓ၀င်နဲ့ ဇာတ်နိပါတ်တွေအကြောင်း ဆိုထားတဲ့ သီချင်းတွေအများကြီးရှိတယ်။ ဘာလို့လဲဆိုတော့ ဗုဒ္ဓတရားတော် အကြောင်း စပ်ထားတဲ့သီချင်းလောက် သိပ်မခက်လို့ပါ။ သစ္စာလေးပါး စတဲ့ ဗုဒ္ဓနှုတ်ကပါဋ္ဌ်တော်တွေကတော့ သိပ် သတိထားရတယ်။ အတိမ်းအစောင်း လုံးဝမခံဘူး။ သာသနာရေးဝန်ကြီးဌာန နဲ့လည်း တိုင်ပင်ရတယ်။
"ဒီတရားတော်တွေသာ ဂီတနဲ့ပေါင်း စပ်လို့ လူငယ်ထုထဲရောက်ရင် လူငယ် တွေလည်း ဘာသာရေးဘက်ကို စိတ်ဝင်စားလာမယ်။ သာသနာတော် ဖွံဖြိုးရေးအတွက်လည်း အကျိုးရှိမှာပါ" ဟု ဘိုကလေးတင့်အောင်က ပြောကြားသည်။
တေးစီးရီးကို ပြန်ကြားရေးဝန်ကြီး ဌာန၏ အစီအစဉ်ဖြင့် မြန်မာ့အသံနှင့် ရုပ်မြင်သံကြား၊ မြန်မာနိုင်ငံ ဂီတအစည်း အရုံး၊ ခေတ်ပေါ် တေးဂီတ ပညာရှင် များ ပူးပေါင်းဆောင်ရွက်ခြင်းဖြစ်ပြီး ယခင်က မြန်မာသံစဉ်များဖြင့် ဓမ္မပူဇာ တေးအလင်္ကာ အမှတ်စဉ် ၁၊ ၂ ထွက်ရှိ ပြီးဖြစ်သည်။